/ Prestación de servizos de márketing e comunicación para emprender
Qué é ALENTO?
Un programa que consiste nun catálogo de servizos que permite á comunidade empredendedora acceder a distintas solucións en márketing e comunicación profesionais que serán executadas por empresas/profesionais expertos vinculados ao Clúster da Comunicación de Galicia.
Cal é o plan?
Permitir ás persoas emprendedoras acceder a distintos servizos de márketing e comunicación GRATUITOS co fin de axudalas a impulsar os seus proxectos de emprendemento, facilitar a conexión cos seus clientes e crear marcas que aporten valor aos mesmos potenciando así a xeración de empresas máis forte e sostibles.
Quen está detrás?
O programa ALENTO é unha iniciativa promovida polo Clúster da Comunicación de Galicia, en colaboración coa Consellería de Emprego, Comercio e Emigración, no marco dun convenio de colaboración entre ambas entidades. O seu obxectivo é impulsar o crecemento e a consolidación de proxectos emprendedores, a través do fortalecemento da súa comunicación, visibilidade e estratexia de marca, elementos clave para avanzar nun mercado cada vez máis competitivo.
Beneficiarios
Poderán ser beneficiarios dos servizos ALENTO as iniciativas emprendedoras entendendo como tales a: persoas autónomas ou pequenas empresas (de orixen galega), que realicen unha actividade económica en calquera sector.
Requisitos
Hai que ter en conta no momento da solicitude do servizo:
● A actividade debe estar legalmente dada de alta e en activo.
● Máximo de 42 meses de actividade económica.
Liñas prioritarias
Terán consideración especial aqueles proxectos empresariais que se vinculen a algún dos seguintes ámbitos: o comercio local, a Rede de Polos de Emprendemento e Apoio ao Emprego da Xunta de Galicia ou que se localicen en concellos de menos de 25.000 habitantes.
Obxectivo
O obxectivo principal de calquera persoa emprendedora é VENDER e facelo do xeito máis rendible e sostible.
Pero para conseguir este desexable obxectivo, nun mercado altamente competitivo e cambiante como o actual onde a oferta supera a demanda na maioría dos casos e a taxa de mortandade das empresas de nova creación nos primeiros 5 anos está preto do 62%, calquera persoa emprendedora debe ser capaz de xerar valor ao cliente centrándose na satisfacción das súas necesidades e en presentar unha oferta diferenciada no mercado.
Diferenciación
Deste xeito, buscar novas canles de comercialización, novos públicos obxectivo, mellorar o valor percibido dos produtos e servizos, promocionalos ou saber establecer conexión cos clientes, son algúns dos desafíos aos que debe enfrentarse toda persoa emprendedora para conseguir unha oferta diferenciada e rendible.
Así o papel do márketing e a comunicación é fundamental no ámbito do emprendemento xa que pon a disposición destas novas empresas ferramentas e técnicas que lles permite construir marcas fortes, diferenciadas e sostibles.
Solución
Así é como xurde ALENTO_Impuso á comunicación para emprender, un programa que consiste nun catálogo de servizos que permite á comunidade empredendedora acceder a distintas solucións en márketing e comunicación profesionais que serán executadas por empresas/profesionais expertos vinculados ao Clúster da Comunicación de Galicia.
● As iniciativas emprendedoras que cumplan co perfil de posibles beneficiarios, poderán presentar a súa solicitude en INSCRICIÓNS.
● Seleccionar entre os 10 servizos ALENTO aquel que consideras que pode impulsar ou aportar máis valor o teu proxecto. VER SERVIZOS ALENTO.
Unha mesma iniciativa emprendora só pode optar a un servizo ALENTO.
● Escoller entre a base de EMPRESAS ALENTO (empresas vinculadas ó Clúster da Comunicación de Galicia) aquela que desexarías que che prestara o servizo escollido.
● Cubrir o FORMULARIO de inscrición do Programa Alento. Tras o envío do formulario, deberás ver unha mensaxe na pantalla conforme o formulario foi enviado con correctamente.
● No momento da inscrición, solicitarase o documento que acredite a data de alta na actividade económica da iniciativa emprendedora: Certificado de situación censal actual (abril/maio 2025).
● As solicitudes serán valoradas segundo a idoneidade do servizo solicitado para o proxecto empresarial que o require, así coma en función da dispoñibilidade do orzamento xeral e do orzamento específico para o servizo solicitado. Ademais, teranse en conta criterios de interese estratéxico, prestando unha consideración destacada aos proxectos vinculados co comercio local, a Rede de Polos de Emprendemento e Apoio ao Emprego da Xunta de Galicia ou localizados en concellos de menos de 25.000 habitantes.
● A aprobación do Servizo Alento ou a súa denegación, será comunicada o mesmo correo electrónico que se indicou na solicitude.
● No caso de aprobación do Servizo Alento, será tamén confirmado, vía correo electrónico, a dispoñibilidade da empresa elexida para a prestación do servizo.
● O persoal técnico poderá solicitar información complementaria sobre os proxectos empresariais solicitantes do servizo Alento e deberá ser atendida dentro do prazo que a organización estableza. A falta de resposta poderá ser motivo de exclusión do proceso.
● Os proxectos seleccionados deben contar co tempo necesario para garantir a correcta execución do servizo. A falta de atención á información requirida ou demoras significativas pode supoñer a anulación do servizo concedido.
● Prazo de solicitudes: do 24 de abril ata o 12 de maio de 2025, ambos inclusive.
Promove:
Clúster da Comunicación de Galicia © 2025 | Aviso legal | Política de privacidade | Política de cookies
